સ્ટાર પ્લસના શો ગુમ હૈ કિસી કે પ્યાર મેંમાં દરરોજ કંઈક અવનવું જોવા મળે છે. ફેન્સએ પણ આ શો જોવો ખૂબ ગમે છે. છેલ્લા કેટલાય દિવસોથી સિરિયલની સ્ટોરી વિનાયકની આસપાસ ફરે છે, કારણ કે સઈને સત્ય ખબર પડી ગઈ છે કે વિનાયક તેનો પુત્ર છે. આવી સ્થિતિમાં તે તેના પુત્રને તેના ઘરે લાવવા માંગે છે.

આજના એપિસોડમાં બતાવવામાં આવશે કે વિરાટ પત્રલેખાને સત્ય કહેવાનો પ્રયાસ કરે છે પરંતુ તેને પત્રલેખાને સત્ય કહેવાની એક પણ તક મળતી નથી. એ જ પત્રલેખા ભવાની કાકુ સાથે નાગપુર મરાઠી મહિલા સંગઠનમાં જાય છે, પણ ત્યાં પત્રલેખાને લોકોના ટોણા સાંભળવા મળે છે.

ત્યાં બેઠેલા લોકો પત્રલેખાને કહે છે કે પત્રલેખાનું ગર્ભાશય કાઢી નાખવામાં આવ્યું છે, જેના કારણે તે ક્યારેય માતા નહીં બની શકે. પત્રલેખા આ બધું સાંભળે છે અને તેને ખૂબ જ ખરાબ લાગે છે. આ વાતો સાંભળીને પત્રલેખા તે મહિલાઓને કહે છે કે વિનાયક તેનો પુત્ર છે, જેને તે પોતાના પુત્ર કરતા પણ વધારે પ્રેમ કરે છે.

પત્રલેખા તે સ્ત્રીઓને યશોદા મૈયાની વાત કહે છે અને કહે છે કે વિનાયક મારો કાન્હા છે અને હું તેની યશોદા મૈયા છું.મહિલાઓ પત્રલેખાનો વીડિયો બનાવે છે અને આ વીડિયો સોશિયલ મીડિયા પર વાયરલ થઈ રહ્યો છે, જેને જોઈને વિનાયક ખૂબ જ ખુશ થઈ જાય છે.

બીજી બાજુ બતાવવામાં આવશે કે સઈ વિનાયકને તેના ઘરે બોલાવવા માટે ખૂબ જ ઉત્સાહિત છે અને તે તેના ઘરે એક નવો બંક બેડ પણ મંગાવે છેં. પરિવારના તમામ સભ્યો વિનુ અને સવીની સ્કૂલ કોમ્પિટિશનમાં જાય છે.

કોમ્પિટિશન દરમિયાન વિનાયકની પેઇન્ટિંગમાં બધા જ રંગ એક સાથે પડી જાય છેં જેને કારણે વિનાયક ખુબ જ ડરી જાય છે. આથી સઈ અને સવી વિનાયકને સપોર્ટ કરે છે, જેને જોઈને પત્રલેખા ગુસ્સે થઈ જાય છે.

આવનારા એપિસોડમાં બતાવવામાં આવશે કે પત્રલેખા સઈને અને વિરાટને બંદૂક રાખીને ધમકી આપે છે અને તે વિનાયકને પાછા ન આપવાનું કહે છે. બીજી બાજુ પત્રલેખા પોતાને ગોળી મારી દેવાની ધમકી પણ આપે છે. વિરાટ આ બધું જોઈને બંદૂક ઉઠાવવાનો પ્રયાસ કરે છે અને આ દરમિયાન સઈને ગોળી વાગે છે કે પત્રલેખાને તે તો આવનારા એપિસોડમાં જ ખબર પડશે..