લિવ-ઈન રિલેશનમાં રહેતી મૂળ બાંગ્લાદેશી યુવતીને ગેરકાયદેસર ડોક્યુમેન્ટ સાથે અમદાવાદ ગ્રામ્ય એસઓજીએ ઝડપી પૂછપરછ કરતા કેટલીક હકીકતો આવી સામે આવી હતી. અમદાવાદ ગ્રામ્ય એસઓજીએ ચાંગોદરમાંથી બાંગ્લાદેશી યુવતીની ધરપકડ કરી હતી.

મહિલાની તપાસ કરતા સામે આવ્યું કે તે મુસ્લીમ ધર્મની હોવા છતાં ભારતમાં હિન્દુ ધર્મની યુવતીનાં નામે ખોટા ડોક્યુમેન્ટ બનાવીને રહેતિ હતી. પોલીસ કસ્ટડીમાં લીધેલ આ મહિલા આરોપી પર ઘણા આરોપ છે. બોગસ ડોક્યુમેન્ટ બનાવી તેના આધારે ગુજરાતમાં ગેરકાયદેસર વસવાટ કરવાનો છે.

જોકે આ અંગે ગ્રામ્ય એસઓજીની ટીમે બાતમી આધારે સિરીના હુસેન નામની મહિલાને ચાંગોદરમાંથી ઝડપી પાડી આવી હતી. જોકે મહિલા પાસેથી બે પાસપોર્ટ, બે આધારકાર્ડ, બે પાનકાર્ડ સહિતનાં ડોક્યુમેન્ટ ઝપ્ત કરવામાં આવ્યા છે. પકડાયેલ મહિલા મૂળ બાંગ્લાદેશની રહેવાસી છે, પરંતુ બનાવટી પાસપોર્ટ સહિતનાં દસ્તાવેજોમાં તેનું નામ સોનુ જોષી હોવાનું બહાર આવ્યું છે.

વર્ષ 2017માં મહિલાને ફેસબુકનાં માધ્યમથી હિતેશ જોશી નામનાં યુવક સાથે સંપર્ક થયો હતો. તે પશ્ચિમ બંગાળની ભારતમાં ટુરીસ્ટ વિઝા પર આવીને પરત ગઈ જ ન હતી. જોકે મહિલાને એક બાળક હોવાનું પણ સામે આવ્યું છે. ત્યારે આરોપી મહિલાએ આ બનાવટી ડોક્યુમેન્ટ કઈ રીતે બનાવ્યા અને તેનો ભારતમાં ધર્મ બદલીને રહેવાનું કારણ શું છે તે અંગે વધુ તપાસ હાથ ધરાઈ છે.